Indi pabor ang chairperson sang Committee on Tourism sa Sangguniang Panlungsod sa request sang Bacolod Yuhum Foundation nga makapahamtang sang peryahan sa Lacson Tourism Strip sa tion nga ini ang buksan na.
Madumduman nga nakaschedule nga isarado Oktubre 25 tubtob 27.
Sa interview kay Councilor Jason Villarosa, ginpresentar sa SP session ang request sang tag-iya sang peryahan.
Paathag sang konsehal nga indi ini pabor sa pagbutang sang peryahan sa Lacson Street bangod wala sang space nga mahamtangan.
Bilang Committee on Tourism chairperson, para sa iya wala nagakaangay nga butangan sang peryahan ang Lacson Street nga gindeklarar na nga tourism strip sang ciudad.
Dugang pa sini nga nakaligad nga tuig tuman ka puno sang Lacson Tourism Strip kag mas mangin mabudlay para sa mga festival goers kun hinali nga hamtangan sang peryahan ang area.
Panindugan ni Villarosa nga kun pilit nga iduso ang proposal, siya ang isa sa magapamalabag.
