Isa ka petisyon ang ginfile sa Korte Suprema nga may tinutuyo nga i-compel ang Senado nga gilayon nga magconvene bilang isa ka impeachment court kag suguran na ang trial ni Vice President Sara Duterte.
Sa isa ka 22-page petition para sa mandamus nga ginfile sang Biyernes, ginpanindugan ni Atty. Catalino Generillo Jr. nga ang Constitution ang wala nagapahanugot sa Senado nga i-delay ang duty sini kun recess kag ginpahayag nga dapat magaconstitute ini bilang isa ka impeachment court sa pagbaton sang Articles of Impeachment nagikan sa House of Representatives.
Suno kay Generillo, maathag ang Charter sa “definite periods of time” nga maghimo sang nagakaigo nga mga tikang natuhoy sa isa ka impeachment complaint.
Isa ka kopya sang petisyon ang ginpasa kay Senate President Francis “Chiz” Escudero kag sa Office of the Solicitor General.
Una na nga ginpahayag ni Escudero nga makaconvene lamang ang Senado bilang isa ka impeachment court kun in session ang Kongreso nga nagapatimaan nga ang trial ang magasugod kun magabukas na ang 20th Congress sa Hulyo.
