Gin-athag ni Negros Occidental Provincial Election Supervisor Atty. Ian Lee Ananoria nga ang petition sa pagdisqualify sa mga nuisance candidate ang dapat nga ideretso sa national office sang Commission on Elections.
Suno kay Ananoria, wala sang authority ang City ukon Municipality ukon ang Province man sa pagbaton sang petition.
Mahimo nga mapadala ang petition paagi sa email kag ini ang tun-an sang COMELEC antes madeklarar nga nuisance candidate ang nagfile sang Certificate of Candidacy.
Nalakip sa konsiderasyon nga makabig nga nuisance candidate ang kandidato kun indi ini seryuso kag wala sang intensyon nga magpapili sa posisyon ukon makatuga ang kandidato sang confusion sa mga botante.
Ang deadline sang pagpasa sang petition ang tubtob na lamang kuntani subong nga adlaw apang ini ang gin-isdog tubtob sa Miyerkules.
