Gin-idog ang petsa sang pagpanagtag sang mga school supplies sa mga estudyante sa Bacolod City bangod sa kakulangan sa budget kag supply sang papel.
Suno kay Councilor Al Victor Espino, chaiperson sang committee on education sa Sangguniang Panlungsod, ginalauman nga sa bulan sang Oktubre mahatag na sa mga kinder, elementary kag high school students sa ciudad sang Bacolod ang mga school supplies.
Suno diri, ang ini nga desisyon ila gindihon bangod nga ang Appropriation Fund may yara sang natalana nga budget nga P15 million lamang samtang ang Purchase Request ang nagdangat sa P28 million para sa 172,000 ka mga estudyante sa ciudad.
Ang P15 million nga Appropriation Fund ang ginhuman walo na ka tuig ang nakaligad, apang sa karun nga nagsaka ang presyo sang notebook, dapat lamang nila mapa-igo sa P15 million ang baklon nga mga school supplies.
Dugang pa nga may kakulangan sa supply sang papel, nga amo man nagpadelay sa pagpanagtag sang school supplies samtang ginahulat pa ang final nga figures sang enrollees.
