Indi matuod nga wala sang “head of state” nga gin-imbitahan sa patigayunon nga inagurasyon ni United Sates (US) President-elect Donald Trump sa Enero 20, 2025, suli sa pahayag ni Philippine Ambassador to the US Jose Manuel Romualdez.
Madumduman nga ginpahayag ni Romualdez nga santo sa polisa, wala sang head of state nga imbitado kag mga ambassadors lamang nga nakabase sa Washington.
Apang sa latest nga pahayag ni Romualdez, ginkumpirmar sini nga gin-imbitahan ni Trump ang pila ka mga world leaders apang ginpahayag sini nga indi pormal ang nasambit nga mga imbitasyon.
Ini ang iya ginpahayag agud ipaathag kun ngaa indi magtambong si President Ferdinand “Bongbong” Marcos Jr. sa nasambit nga okasyon kag kun ngaa siya ang magarepresentar sa Pilipinas.
Antes pa man ang pahayag ni Romualdez, una na nga nareport sang Disyembre 2024 nga nagpalab-ot sang imbitasyon si Trump kanday Chinese President Xi Jinping, Argentinian President Javier Milei, kag Salvadoran President Nayib Bukele.
