Natalana nga magsugod sa School Year 2025-2026 ang phased implementation sang revised curriculum para sa senior high school.
Suno kay Education Secretary Sonny Angara, sa idalum sang revised curriculum para sa Grades 11 kag 12, ang core subjects ang pagabuhinan humalin sa 15 sa lima tubtob sa pito na lamang.
Suno diri, ang plano amu nga ini ang i-implementar sa 2026 apang sa karun target sang ahensya nga ini ang mapatuman subong nga 2025.
Apisar nga ginapahayag sang iban nga mga buluthuan nga ini ang makabig nga mabudlay, bukas ang Department of Education nga i-phase ang implementasyon.
Suno kay Angara, ginawelcome sang mga manunudlo ang adjusted SHS curriculum, nga ginpaidalum sa isa ka review agud indi ma-overburden ang mga estudyante kag makaproduce sang mas madamo nga job-ready kag responsable nga mga graduates.
Suno diri, magapabilin ang importante nga mga subjects kaangay sang communications, Filipino history, basic math and science, computing, kag life ukon soft skills.
