Gin-anunsiyar sang Philippine Health Insurance Corporation (PhilHealth) nga makabaton sang libre nga orthopedic treatment sa idalom sang ginpasangkad nga Z Benefit package ang mga survivor sang magnitude 6.9 nga linog sa probinsiya sang Cebu
Ginkumpirmar ni DOH Assistant Secretary Albert Domingo nga gin-aprubahan na sang PhilHealth Board ang inisyatibo agud nga mabuligan ang mga biktima nga nakaangkon sang injury matapos naigo sang debris sang mga istraktura.
Paathag ni Domingo, sabton sang PhilHealth kon ang persona nga nakaangkon sang injury bangod sa linog kag aftershocks tungod sa ila record, madamo sang kaso sang nabali-an, nahulugan sang debris, may na utod nga parte sang lawas kag kinahanglan sang implants nga tuman ka mahal ang operasyon.
Ipatuman man ang zero-balance billing policy sa tatlo ka DOH-run hospitals sa Cebu kag magapabilin ang polisa tubtob naga epekto ang gindekarar nga State of Calamity.
