Wala sang bisan piso nga ginhatag nga budget sa Philippine Health Insurance Corporation (PhilHealth) para sa calendar year 2025.
Antes magsarado ang bicameral conference committee meeting angot sa House Bill No. 10800 ukon General Appropriations Bill (GAB), nga naga-unod sang P6.352 trillion national budget para sa 2025, ginpahayag ni Senate finance committee chairman Grace Poe nga may ara pa sang P600 billion nga reserve funds ang PhilHealth,
Suno diri, wala nila ginhatagan sang budget ang PhilHealth kag ang reserve funds amo ang ila gamiton.
Pahayag ni Poe nga ang P600 billion reserve funds sang PhilHealth ang nakadeposito lamang sa ila accounts, kag ang kita sini ang manubo pa sangsa nagakabatyagan nga inflation, gani makabig nga pierde ang gobyerno.
Suno sa Senadora, ang dapat pondo para sa PhilHealth ang ginreallign sa iban nga sektor nga wala sang funding para sa 2025
Apisar nga wala sng subsidy, paathag ni Poe nga nalakip gihapon sa final version sang proposed national budget bill ang operating costs.
Nahibaluan nga sa idalom sang 2024 National Expenditure Program (NEP) nga ginpropose sang Executive Department, ang PhilHealth ang ginhatagan sang P74.431 billion budget.
Ini ang ginpanubo naman sang Senado sa P64.419 billion.
Matapos ang bicam, nadesisyonan sang mga mamalidha gikan sa Senado kag House of Representatives nga paluson na gid lamang ang budget para sa ahensya.
