Nagtaliwan na si Philippine Ambassador to China Jose Santiago “Chito” Sta. Romana sa edad nga 74 suno sa Department of Foreign Affairs.
Si Sta. Romana ang nagtaliwan sang Lunes, Abril 18 sa Huangsha, Anhui sa eastern China suno sa iya utod nga si Nein kag ginpahayag nga napaidalum ini sa required quarantine antes nagbalik sa Beijing.
Siya ang nag-upod kay Foreign Affairs Secretary Teodoro Locsin Jr., nga nagbisita sa China duha ka semana na ang nakaligad agud makighinun-anon kay Chinese State Councilor kag Foreign Minister Wang Yi.
Suno sa DFA, ginakasubo ni Locsin kag sang ahensya ang pag-anunsyar sang kamatayon ni Sta. Romana nga amu ang Philippine Ambassador to China.
Wala naman ginpakigbahin sang ahensya ang gintunaan sang kamatayon sini.
Ginakasubo man sang Malacanang ang iya pagtaliwan kag gindayaw ni acting Palace spokesperson Martin Andanar ang efforts ni Sta. Romania sa pagpakusog sang relasyon sang Pilipinas kag China.
Sa karun nagapakig-angot na ang Philippine Embassy sa Beijing sa Chinese government agud makabalik si Sta. Romania sa Pilipinas.
Siya ang gin-appoint nga ambassador to China sang Disyembre 7, 2016 bilang pagkilala sa iya madalum nga ihibalo sa maragtas sang China kag mga pumuluyo.
