Ginkalipay sang Philippine Army ang pagpasaka sang subsistence allowance sang military personnel kag Armed Forces of the Philippines (AFP) santo sa order ni President Ferdinand “Bongbong” Marcos Jr.
Sa interview sang Bombo Radyo Bacolod kay 3rd Infantry Division spokesperson Col. Erwin Rommel Lamzon, yara lamang sa P150 per day ang subsistence allowance apang ini ang ginpasakaan sa P350.
Suno diri, bangod sa increase mas maayo na ang pagkaon sang mga suldado kag ini ang makapa-boost sang ila morale.
Suno kay Lamzon, madugay na sini nabatian ang increase apang wala pa ini napatuman halin sang Enero subong nga tuig.
Nagapati naman ini nga matake-effect ang pagpasaka sang subsistence allowance sa bulan sang Abril kun sa diin i-reimburse pa sa ila ang allowance halin sa bulan sang Enero tubtob Marso.
Mahibaluan nga ang subsistence allowance ang para sa mga AFP officers kag enlisted personnel, kasubong man sa trainees kag probationary second lieutenants ukon ensigns nga yara sa military training, Citizen Military Training cadets sa summer camp training, reserve officers kag enlisted reservists nga nagapaidalum sa training, Citizen Armed Force Geographical Unit, kag cadets.
