Hugot nga nagapati ang 3rd Infantry Division sang Philippine Army nga wala sang kaangtanan sa pag-aresto kay former President Rodrigo Duterte ang pag-absent without leave (AWOL) sang isa sa mga military personnel.
Sa interview sang Bombo Radyo Bacolod kay 3rd Infantry Division spokesperson Col. Erwin Rommel Lamzon, aminado ini nga may-ara sang personnel nga tatlo na ka adlaw nga wala makareport sa duty.
Sa karun, ginatumod pa sini kun sa diin nga unit ang nasambitan nga suldado.
Apang paathag sini nga normal lamang sa Philippine Army nga may-ara sang naga-AWOL.
Iban sa mga ini ang bangod sa nadulaan na sang gana sa pagserbisyo kag ang iban ang bangod sa may dako nga problema ukon nahidlaw sa pamilya.
Hugot ang pagpati sini nga ang pag-AWOL ang wala sang kaangtanan sa kaso nga ginapangatubang sang anay Presidente.
Dugang pa nga AWOL case lamang ang may-ara sila kag wala sang may nagtender sang resignation.
Apisar nga ginakonsiderar AWOL, indi pa opisyal nga mapalos sa serbisyo ang suldado, bangod hulaton pa ang napulo ka adlaw kag ini ang kontakon nga magbalik sa serbisyo.
Apang sa paglapaw sa 10 ka adlaw, ang personnel ang madeklarar nagid nga opisyal nga AWOL.
Suno kay Lamzon, ginpatawag nila ang tanan nga personnel sa nagkalainlain nga units sa idalom sang 3rd ID, kag sabat sang mga ini nga wala nagasulod sa ila pinsar ang magresign bangod sa karun nga isyu sa pungsod.
Ini bangod ang ila nga focus ang yara sa paglagas sang remnants sang New People’s Army kag pagbantay sa mga election-related incidents.
