Nagapatigayon sang kaugalingon nga imbestigasyon ang Philippine Army angot sa gina-alegar nga miyembro sang Angels of death.
Sa press briefing sang Camp Aguinaldo kaina, ginpahayag ni PA spokesperson Col. Louie Dema-ala nga sa ila nga kaugalingon nga internal investigation, wala pa sila sang natukiban nga reservist nga imbulbado sa gina-alegar nga armado nga grupo ni Kingdom of Jesus Christ (KOJC) leader Pastor Apollo Quiboloy.
Ginpasiguro ni Dema-ala, sa oras nga mahibaluan nila nga may imbulbado nga army sa nasambit nga kaso ang indi sila magduha duha nga hatagan ini sang penalidad.
Una na nga ginreport nga ginkumpirmar sang Armed Forces of the Philippines (AFP) nga may yara sang masobra 500 nga army reservist nga miyembro sang KOJC.
Suno kay Col. Rey Balido, Deputy Chief, Public Affairs Office sang Philippine Army, 2015 pa accredited sa Philippine Army reservist ang media network ni Quiboloy nga ginatawag nga
2nd signal battalion Philippine Army reserve unit.
Samtang madumduman nga ginpanginwala naman sang kampo ni Quiboloy ang alegasyon angot sa Angel of death, suno sa legal counsel sini nga si si Atty. Israelito Torreon, wala sang private army ang pastor kundi private prayer warriors lamang.
