Ginterminate sang Philippine Charity Sweepstakes Office ang authority to operate ni Negros Oriental 3rd District Rep. Arnie Teves sang Small Town Lottery.
Sa memorandum nga ginpagwa sang PCSO nga napetsahan Marso 9 kag pirmado ni PCSO general manager Melquiades Robles, ini ang nakaaddress sa Four Aces Resources Management Group Corporation nga nahamtang sa Khan Commercial Arcade, National Highway sa Tubtubon, Sibulan, Negros Oriental.
Suno sa PCSO, ang negosyo ni Teves ang may authority to operate sang Small Town Lottery sa probinsya sang Negros Oriental sa idalom sang regular status sa sulod sang tatlo ka tuig halin November 26 tuig 2020 tubtub sa Nobyembre 25 subong nga tuig.
Apang santo sa memorandum sang PCSO kahapon, ginterminate sini ang Agency Agreement kag Authority to Operate in pursuant sa Section 26 sang 2022 STL Revised Implementing Rules and Regulations ukon STL-RIRR.
Kadungan sini, ginforfeit man sang PCSO ang cash bond sang negosyo ni Teves nga P61,647,262 pabor sa PCSO bilang pagsunod sa Section 26 sang 2020 STL-RIRR.
Ginpahibalo man ini nga tubtub na gid lamang Marso 9, alas-7:00 sa gab-i ang last draw sang korporasyon kag untatan na ang ila nga operasyon.
Sila ang ginmanduan man nga magsumiter ukon magsurrender sa PCSO sang monthly STL sales report, monthly remittance report nga may attached proof of remittance, kopya sang books of accounts nagikan sa sugod sang operasyon, financial statements, kopya sang bank statement sang korporasyon nagikan sa sugod sang STL operations; prize pay-out report, used and unused STL tickets kag draw machines kag STL paraphernalia kag identification cards sang STL sales force.
Santo sa mandu sang PCSO, ang korporasyon ni Teves ang dapat nga magacoordinate sa PCSO Negros Oriental Branch Office para sa submission sang mga reports kag documents.
