Aminado ang Philippine Coast Guard nga may pila ka trips sang barko halin sang Enero 1 nga atrasado kadungan sang pagdagsa sang madamo nga pasahero ang Bredco Port agud magtabok sa Iloilo.
Sa interview sang Bombo Radyo kay Coast Guard Commander Jansen Benjamin, ang operation officer sang Philippine Coast Guard (PCG) – Western Visayas, kapin 1,600 ka mga pasahero ang nagbyahe nagikan sa Bredco Port padulong sa Iloilo sang Enero 2 apang nadugangan pa gid ini sang 1,400 nga pasahero kahapon.
Suno diri, indi makabig nga stranded ang mga pasahero bangod kun indi ma-akomodar ang mga pasahero ila ini nga ginasaylo sa masunod nga trip sang barko.
Suno diri, wala sang nastranded nga pasahero kundi na-delay lamang ang byahe bangod sa pagdagsa sang mga pasahero sa terminal.
Paathag sini nga makabig lamang nga stranded ang mga pasahero kun wala sang byahe nga natabo, gani delays lamang ang natabo bangod man yara sang byahe apang limitado lamang ang makasakay nga mga pasahero.
