Naghatag sang pahanumdom ang spokesperson sang Philippine Coast Guard District Western Visayas sa tanan sa palaabuton nga kapiyestahan ni San Juan De Bautista sa Sabado, Hunyo 24.
Sa interview sang Bombo Radyo kay Commander Jansen Benjamin, as of June 2023, may yara sang 23 ka kabug-usan nga insidente sang pagkalumos sa Western Visayas.
Luyag sini nga ipa-intensify ang education campaign angot sa pagkalumos ilabi na sa mga beach resorts kag swimming pools nga kun mahimo man lang nila nga ibriefing ang mga bisita sa mga safety kun maligo.
Ginpahayag man sini nga dapat may yara sang lifeguards ang tanan nga beach resorts kag swimming pools kasunod sa memorandum circular.
Para sa selebrasyon sang San Juan de Bautista, pahanumdom ni Benjamin nga indi gid pagpabay-an ang mga kabataan nga masami nagakalipatan sang mga ginikanan kag masapwan nalang nga nalumos, kasubong man nga iya ginpaandaman ang mga tatay nga indi maligo sa dagat ukon swimming pool kun hubog.
