Ginpahayag sang Philippine Coast Guard nga liwat ini nga nag-issue sang isa ka radio challenge batok sa “monster ship” sang China Coast Guard (CCG) samtang ini ang illegal nga nagapatrol sa exclusive economic zone sang pungsod.
Suno kay PCG spokesperson for the West Philippine Sea (WPS) Commodore Jay Tarriela, ang vessel ang ginreport nga illegal nga naga-operate sa distansya nga 60-70 nautical miles nagikan sa teritoryo sang Pilipinas.
Suno sa PCG, ang vessel nga BRP Gabriela Silang (OPV-8301) ang nagchallenge sa CCG 5901 ukon ang ginatawag nga “monster ship.”
Apang apisar sang madamo nga radio communications sang PCG, nagapadayon lamang ang Chinese vessel sa pagpatigayon sang illegal operations.
Gina-emphasize sang PCG nga ang otoridad sang PGC sa nasambit nga mga baybayon ang nasanto sa Philippine Maritime Zones Act, United Nations Convention on the Law of the Sea (UNCLOS), kag 2016 Arbitral Award.
Ang Philippine Coast Guard ang nagapabilin nga committed sa pagsafeguard sang maritime rights sang nasyon kag pagprotekta sang national interests.
Ang monster ship, nga ginkilala bilang pinakadako nga coast guard ship sa kalibutan, ang una nga nasiplatan 54 nautical miles nagikan sa Capones Island, Zambales.
Ini ang nagpadulong malapit sa Lubang Island sa Occidental Mindoro.
