Nagpagwa naman sang travel advisory ang Philippine Coast Guard kasunod sang Gale Warning nga ginpagwa sang PAG-ASA bangud sa Hanging Habagat kag Low Pressure Area.
Sa interview sang Bombo Radyo Bacolod kay Commander Jansen Benjamin sang Coast Guard Station-Northern Negros, ang Gale Warning ang ginpagwa bangud sa dalagko nga balod dala sang Hangin Habagat.
Suno kay Benjamin, suspended ang biyahe sang mga sakayan pandagat nga may gross tonnage nga 250 panubo.
Suno diri, ang mga Roll on Roll Off vessel naman ang mahimo maglayag kasubong man ang mga depampasahero nga fastcraft nga may masobra sa 250 ang Gross Tonnage.
Suno diri, santo sa guidelines sang Philippine Coast Guard bangud wala man sang Storm Signal wala ginkanselar ang biyahe sang tanan nga barko.
Nagpanugyan man si Benjamin sa mga mananagat nga likawan anay ang magpalawod bangud sa malain nga tiyempo dala sang Hanging Habagat.
