Nagpanugyan ang Philippine Coast Guard (PCG) sa mga byahero nga temprano pa magpadulong sa mga pantalan kun luyag magpauli agud magsugata sang bag-ong tuig.
Tinalikdan pa nga adlaw ginalauman sang PCG ang pagdagsa sang mga pasahero sa mga pwerto sini nga holiday season.
Suno kay PCG Station Negros Occidental head Lt. Commander Jansen Benjamin, humalin pa lang sang Disyembre 16 yara na sila sa heightened alert kag wala man sang bakasyon ang ila mga personnel.
May yara man sang ginpahamtang nga mga help desk sa tagsa ka mga pantalan kag nagapatigayon man sang pre-departure inspection.
Sa sini man nga nagaginutok ang mga pasahero sa mga pantalan, nagapanugyan si Benjamin sa byahero nga temprano nga magpadulong sa pwerto kag indi magdala sang mabug-at nga mga bagahe ukon “travel light” lamang.
