Ginkumpirmar sang commander sang Philippine Coast Guard – Northern Negros nga sumugod bwas nga adlaw, naka-heightened alert status na ang probinsya bilang preparasyon sa Semana Santa.
Sa interview sang Bombo Radyo kay Commander Joe Luviz Mercurio, sumugod bwas nga adlaw, magadugang na sila sang mga personnel kag magabutang sang mga help desk sa regular ports.
Suno sa iya, ini agud may mapalapitan kag mapangayuan sang bulig ang mga nagakinahanglan sang assistance.
Suno diri, tanan nga regular coast guard ang visible man sa mga pantalan kag sila ang magatsekyar sa mga coastal areas.
May mga passenger assistance man kag pagadugangan ang mga marshal sang mga barko.
Suno kay Mercurio, nagadugang na sa karun ang volume sang mga pasahero nga nagabyahe pagwa kag pasulod sa Bacolod kag Negros Occidental.
Nagapahanumdum man ini sa mga nagabyahe nga maghalong gid kag kun may aberya, preparado ang nagkalain-lain nga ahensya agud magresponde.
