-- ADVERTISEMENT --
Padayon ang pagpaandam sang Coast Guard Station Southern Negros Occidental sa mga mananagat nga likawan ang pagpanagat kun malain ang panahon.
Sa interview sang Bombo Radyo Bacolod kay Lt Junior Grade James Carbajosa, commander sang Coast Guard Station Southern Negros Occidental, tubtob sa karun nagaka-eksperyensyahan ang pag-ulan sa banwa sang Hinoba-an kag indi gid man makusog ang huyop sang hangin.
Suno diri, normal man ang sitwasyon sa dagat kag wala sang dalagko nga balod apang nagsaka ang tubig sa suba pero wala sang baha.
Suno kay Carbajosa, humalin pa kahapon nagpaandam na sila sa mga mananagat nga magbantay sa weather update agud malikawan na ang pagpalawod kun malain ang tiyempo.
