Wala nalingkang ang Philippine Coast Guard (PCG) sa presensiya sang Monster ship sang China nga nakaangkla sa Escoda shoal.
Santo sa report, ginpanindugan ni PCG spokesperson for the West Philippine Sea Commodore Jay Tarriela, indi mahadlok ang PCG ukon mag-isol kag indi man pagmanduan ang BRP Teresa magbagnua nga magbalik sa Palawan kasunod sang mando sang Presidente kag intensyon sang PCG Commandant nga ipabilin ang ila nga presensiya sa Escoda shoal.
Una nga ginpahayag ni Comm. Tarriela sang Biyernes nga gindeploy ang CCG 5901 ukon Monster ship sa Escoda shoal agud nga pahugon ang PCG 9701 ukon BRP Teresa Magbanua.
Kaangot sini, nagpatigayon sang radio challenge ang PCG 9701 ukon ang BRP Teresa Magbanua humalin sang nag-abot sa shoal ang nasambit nga barko sang China.
Suno kay Comm. Tarriela, nagapatigayon ang PCG sang radio challenge sa tion nga nagahimo sang makaduluda nga aktibidad ang bahin sang China kaangay sang pagdeploy sang rigid-hull inflatable boats.
Apang wala direkta ginasabat sang bahin sang China kun ano ang ila nga tinutuyo sa lugar sabaylo ang ginapahayag sang mga ini ang nagapatigayon man sila sang lehitimo nga operasyon ang ila nga Coast Guard bangud may yara man sila sang soberaniya sa nasambit nga kadagatan.
