-- ADVERTISEMENT --

Liwat nga ginpahanumdom sang Philippine Coast Guard sa mga mananagat nga maghalong sa tion nga malain ang tyempo.

Ini kasunod sa pagkamissing sang mangingisda nga si Glen Trejeros, 30 anyos sang Purok Crotons, Old Sagay, Sagay City sang Hulyo 16 kag nasapwan na lamang nga wala sang kabuhi sang Hulyo 20.

Suno kay Petty Officer First Class John Catilo, PCG Substation commander sang Cost Guard substation- Sagay City, iya ginapahanumdom sa mga mananagat nga lantawon gid ang lakat sang panahon.

Mas maayo man suno sa iya nga ihigot ang lawas sa bangka agud kun may matabo man, indi ini mapalayo sa bangka.

Dugang pa sini, dapat may floating device ang mga manugpangisda nga bisan sila mahulog, safe sila sa gihapon.

-- ADVERTISEMENT --

Pahayag ni Catilo, indi gid magsalig lang permi kag dapat magsunod sa mga ginapagwa nga abiso.