Wala sang Filipino nga nasamaran sa natabo nga missile attack sang Iran sa Israel kasubong man sa nagluntad nga mass shooting sa Tel Aviv kun sa diin nagdangat na sa anum ang nagkalamatay kag may yara pa sang pilason.
Sa pahayag sang Philippine Embassy sa Israel, matapos nabaton ang reports sang pagpang-atake, gilayon nga ginmanduan sang Embassy ang mga Filipino sa Israel nga magpreparar sa pagsulod sa mga bomb shelters kun sila ang makabaton sang isa ka text ukon app alert ukon kun sila ang makabati sang isa ka alert siren.
May yara man sang kaupod ang embahada sa pagpalapta sang impormasyon para sa safety advisory paagi sa social media kag messaging platforms nagikan sa Filipino community leaders.
Samtang, nagapadayon naman ang ginapatigayon nga operasyon sang Israel batok sa grupo nga Hezbollah sa Lebanon.
