Ginpasangkad sang Philippine Health Insurance Corp. (PhilHealth) ang apat ka package benefits sa mga miyembro nga may ischemic heart disease-acute myocardial infarction.
Suno kay Dr. Israel Francis Pargas, spokesperson kag senior vice president sang PhilHealth, ang anay benepisyo nga P30,000 para sa mga nagakinhanglan sang angioplasty ang ginpasaka sa mas masobra sa P500,000.
Magluwas pa ini sa cardiac rehabilitation nga magalab-ot sa P60,000 kag fibrinolysis nga masobra sa P100,000.
Kalakip pa sa dugang nga benepisyo ang balayran sa paggamit sang ambulance transfer para sa mga nagakinhanglan sang pagsaylo halin sa hospital nga wala sang ikasarang para bulngon ang pasyente.
Ginkakas na man ang anay pagsulundan nga “single period of confinement” sa diin limitado lamang ang benepisyo kun liwat ma-confine ang pasyente sa parehos nga rason.
