Nagbiya na sa Myanmar ang Philippine Inter-Agency Humanitarian Contingent (PIAHC) matapos nakumpleto ang ila mission matapos magnitude 7.7 nga linog ang nasambit nga pungsod.
Ang team ang naghatag sang suporta sa Myanmar kun sa diin masobra 3,600 ka mga persona ang nadulaan sang kabuhi bangud sa mabaskog nga pagtay-og.
Ang contingent, nga ginalakipan sang 89 ka mga personnel nagikan sa nagkalain-lain nga mga ahensya ang nag-abot sa Pilipinas kagab-i paagi sa isa ka formal welcome ceremony nga ginschedule sa Villamor Air Base agud maghatag sang honor sa ila serbisyo.
Sang tinalikdan nga semana, ginrelay ni Defense Secretary Gilberto “Gibbo” Teodoro, Jr. ang congratulations kag pagcommend ni President Ferdinand Marcos Jr. sang team bangud sa ila madinalag-on nga pagtrabaho.
Ang team ang ginalakipan sang mga miyembro nagikan sa Office of Civil Defense (OCD), Philippine Air Force (PAF), Philippine Army (PA), Department of Health – Philippine Emergency Medical Assistance Team (PEMAT), Metropolitan Manila Development Authority (MMDA), Bureau of Fire Protection (BFP), Department of Environment and Natural Resources Emergency Response Team (DENR ERT), Energy Development Corporation kag Apex Mining Co., Inc.
