Philippine Inter-Agency Humanitarian Contingent team, naka-abot na sa Myanmar agud magbulig sa pagpangita mga namissing nga Pilipino

Nagbiya na ang Philippine Inter-Agency Humanitarian Contingent (PHIAC) team padulong sa Myanmar kahapon sang aga agud mag-assist sa search, rescue kag retrieval operations matapos ang pagtay-og sang magnitude 7.7 nga linog sa rehiyon sang Biyernes, Marso 28.

Isa ka send-off ceremony ang ginpatigayon para sa Philippine contingent sa Colonel Jesus Villamor Air Base sa Pasay City.

Suno sa Philippine Air Force, ang 91-person team ang ginalakipan sang mga specialists nagikan sa nagkalain-lain nga mga sektor.

Suno kay OCD administrator Undersecretary Ariel Nepomuceno, ang humanitarian mission ang may duha ka primary objectives, ang magbulig sa pagpangita sa mga survivors kag mag-assist sa paghatag sang medical assistance sa Myanmar.