Temprano pa sa karun nga nagapreparar ang Philippine Men’s Football team para sa paghampang nila sa ASEAN Mitsubishi Electric Cup 2024.
Sa maabot nga Disyembre 12, makaatubang nila ang Myanmar samtang sa Disyembre 18 naman amo ang Vietnam nga pareho nga patigayunon sa Rizal Memorial Stadium.
Samtang may yara man sila sang hampang sa gwa sang pungsod kaangay lamang sa Lao National Stadium sa maabot nga Disyembre 15 kag maatubangay naman ang Indonesia sa Disyembre 21 nga ini ang patigayunon sa Gelora Bung Karino Stadium.
Ginpahayag ni Freddy Gonzales ang Director sang National Senior Teams for the Philippine Football Federation, nga magamit sang national team ang pila ka mga natun-an nila sa mga nagligad nga friendly games gikan sa iban nga mga pungsod.
Sa maabot naman nga December 2, patigayunon ang national training camp nila kag didto na mahimo nga pillion kun sin-o ang final nga magahampang.
Nagpanawagan ini sa publiko nga suportahan ang Philippine team ilabi na sa tion sang hampang nga patigayunon sa pungsod.
