Naggamay nagid lang ang tyansa sang Philippine men’s football team nga makaabanse sa knockout stage sang ASEAN Cup.
Ini matapos nga nagtakop sa 1-1 draw ang hampang sang team batok sa Vietnam sa Rizal Memorial Stadium.
Dako ang nangin paglaum sang tiglawas sang pungsod sang napasulod ni Jarvey Gayoso sa ika-68 nga minuto ang una nga goal apang nakalagas naman ang ila kasumpong nga Vietman kag natigayon nga maka-goal sang equalizer sa ika-98 nga minuto sang hampang.
Nahibaluan nga ini na ang ikatatlo nga kahigayunan nga nag-draw ang football team sang Pilipinas sa nasambit nga tournament. Ang top two teams lang ang maka-abanse sa masunod nga round.
Bangud sini, sulod na ang Vietnam sa semifinals samtang kinahanglan pa nga lutuson sang Pilipinas ang Indonesia sa ila hampang nga natalana sa Disyembre 21.
