Nakuha sang Philippine men’s sepak takraw team ang bronze medal matapos malutos sa Malaysia sa semifinals sang men’s regu event sang Asian Games 2026.
Ginpangunahan nanday Jason Huerte, Jom Lerry Rafael kag Reynaldo Jr. Asilum ang team sang Pilipinas sa dikit nga hampang batok sa Malaysia.
Nangin pabor sa Team Pilipinas ang pag-umpisa sang hampang matapos makuha sini ang una nga set sa score nga 15- 10, apang nakabawi ang Malaysia sa masunod nga duha ka set, 11-15 kag 7-15, agud nga dalayon nga maagaw ang kadalag-an kag ticket sa finals.
Sa pihak sang pagkalutos, nakuha sang Pilipinas ang bronze medal nga dugang nga dungog para sa pungsod sa kompetisyon, sa karun ang yara sa ika-16 nga puwesto ang Pilipinas sa medal tally nga may yara sang 2 gold, 2 silver kag 10 bronze.
Samtang sa pihak nga bahin, madasig nga ginlutos ni Filipina tennis ace Alex Eala si Patcharin Cheapchandej sang Thailand sa opensa ng kanyang kampanya sa 2026 Aichi-Nagoya Asian Games sa score na 6-1, 6-0 Lunes nga adlaw sa Higashiyama Park Tennis Center sa Japan.
Wala nangin upang kay Eala ang sunod-sunod nga pag-delay at ang pagsaylo sang pasilidad tuga sang malain nga panahon agud nga tapuson ang hampang sa sulod lamang sang 55 minutos.
Ginpakita sang 21 anyos nga champion ang iya nga dominasyon sa asod-asod nga walo kadaog sa ikaduha nga set agud nga dalayon nga makuha ang pwesto sa quarterfinals.
Natalana nga makasumpong ni Eala ang tiglawas sang Pilipinas si Joanna Garland sang Chinese Taipei sa round of 8 para sa iya masunod nga hampang.
