Gindominar sang men’s tennis team sang pungsod ang Mongolia sa pag-umpisa sang Davis Cup nga ginpatigayon sa Bahrain.
Nakuha sang Pilipinas ang 3-0 nga record nga isa ka mayo liwat nga pag-umpisa matapos ang apat ka tuig nga pagpahuway sa torneo.
Nanguna naman si Eric Jed Olivarez Jr sa first singles nga ginlutos Sonompuntsag Enkhjargal,sa score nga 6-0, 6-0.
Samtang nagdaog man si Alberto Lim batok kay Undrakh Purdevdorj sa score nga 6-1, 6-3.
Nagbandera man sanday Ruben Gonzalez kag Francis Alcantara 6-1, 6-0 batok kanday Tenuun Oyunbold kag Zolbadar Urnukh.
Nasa Group V ang Pilipinas kun sa diin nagakadapat nga sila ang makasulod sa Top 2 sa 15 ka pungsod agud nga makasulod sa Group IV promotion.
Kaupod sang Pilipinas sa Group V ang mga pungsod Bahrain, Bangladesh, Bhutan, Brunei, Guam, Laos, Macau, Maldives, Mongolia, Nepal, Pacific Oceania, Tajikstan, Turkmenistan, kag Yemen.
