Nag-apelar ang Philippine Movement for Climate Justice (PMCJ) sa gobyerno nga magdeklarar sang national climate emergency kadungan sang nagalala nga epekto sang tagtuyot ukon drought.
Suno kay PMCJ senior campaign officer Laica Rayel, dako na ang halit sa sektor sang agrikultura bangud sa kakulangan sang tubig kag mataas nga gastos sa produksyon tuga sang oil crisis.
Suno diri, indi supisyente nga ayuda lamang ang solusyon, nagakinahanglan sang mas malapad kag malawig nga solusyon batok sa climate crisis.
Kalakip diri ang pagpatuman sang science-based climate action plans kag untaton na ang paggamit sang fossil fuel.
Santo sa report sang state weather bureau, nagdangat na sa 15 ka mga probinsya sa Luzon ang naka-ekperyensya sang malala nga tagtuyot .
Ginpaidalom naman sa state of calamity ang probinsya sang Isabela kag Cagayan.
