Pila ka mga Filipino athletes nga kwalipikado sa paghampang sa
Paris Olympics ang nakaabot sa France, kahapon, Domingo para sa ila isa ka bulan nga training Camp.
Ginpakigbahin sang Philippine Olympic Committee ang development sa ila nga social media page.
Ang delegation ang nagbiya sa Manila sang Sabado sang aga.
Ang mga atleta nga naglupad padulong sa Metz amo ang mga flag bearers nga sanday Nesthy Petecio kag Carlo Paalam, mga kasubong nga boxers nga sanday Hergie Bacyadan kag Aira Villegas, weightlifters nga sanday Elreen Ando, John Ceniza, kag Vanessa Sarno, kag ang rower nga si Joanie Delgaco.
Nag-upod sa delegasyon sanday POC president Abraham ‘Bambol’ Tolentino kag Paris Olympics chef de mission Jonvic Remulla.
Kapin 15 ka mga atleta nagikan sa Pilipinas ang naqualify sa Paris Games kag madamo pa ang ginalauman nga maqualify samtang nagahilapit ang Olympics.
Magabukas ang Summer Games sa July 26.
📸: Philippine Olympic Committee, Abraham ‘Bambol’ Tolentino
