Positibo ang Philippine Ports Authority (PPA) nga padayon nga magasanyog ang cruise industry sang pungsod subong nga tuig matapos nga nagbisita ang duha ka international cruise ship sa pila ka nagapanguna nga destinasyon sa Pilipinas subong lamang nga Enero.
Nagdungka sa Bohol ang Maltese-flagged cruise ship nga MS Europa 2 nga may yara sang sakay nga masobra sa 400 nga pasahero nga ang kadam-an ang nagikan sa Germany kag pila ka bahin sang Europa.
Liwat naman nga nagbalik ang MV Norwegian Sky sa Manila South Harbor sang Enero 31 matapos ang pagbisita sini sang Enero 17.
Sakay sini ang kapin dos mil ka mga pasahero nga kadam-an naman ang mga Filipino.
Suno sa PPA, nagdangat sa 142,574 ang cruise passenger arrivals sang nakaligad nga tuig ukon 61.9 percent nga mas mataas kun ikumparar sang nakaligad nga tuig 2023.
Target naman sa karun sang ahensya nga malab-ot ini sa 180,000 ukon 29.8 percent nga mas mataas sa nakaligad nga data sang 2024.
