Handa na ang Philippine Red Cross para sa Dugong Bombo nga pagahiwaton subong nga adlaw.
Suno kay Rita Benita Mirasol, OIC sang Red Cross Negros Occidental Bacolod City Chapter handa na ang mga personnel para sa dako nga Bloodletting activity subong.
Kadungan sini, nagpangagda si Mirasol sa mga pumuluyo sa Bacolod kag Negros Occidental nga makigbahin sa Dugong Bombo bangod indi lamang isa ka kabuhi ang masalbar sa pagdonar sang dugo kundi tatlo.
Nagpanugyan man ini sa mga luyag magdonar nga magtulog sang temprano karun sa gab-i, maginum sang bastante nga fluid kag likawon ang paginum sang makahulubog nga ilimnon.
Mangin ang mga miyembro sang Indian Community sa ciudad sang Bacolod ang nagpasalig man sang suporta sa Dugong Bombo nga patigayunon na subong.
Suno kay Vic Singh sang Punjabi community sa Bacolod, naandan na nila ang pagsakdag sa tuigan nga bloodletting project sang Bombo Radyo Philippines.
Suno kay Singh, lain man ang ila lahi apang Pilipino man gihapon ang ila tagiposo-on gani nakahanda sila nga magbulig sa mga Pilipino.
50 naman ka mga miyembro sang grupo sang Task Force Kasanag ang magadonar sang dugo kadungan sang Dugong Bombo subong.
Suno kay Task Force Kasanag National Commander John Chong, suportado sang ila grupo ang Dugong Bombo bangod nagaulikid sila sa mga nagakinahanglan.
Gilayon nga nagtipon ang Task Force sang mga miyembro nga sarang makadonar kag sila ang magapadulong subong sa venue subong sa City Mall Mandalagan
