Philippine Red Cross, nagdonar sang barko sa Philippine Coast Guard; Turnover ceremony, ginpangunahan ni 1st Lady Liza Araneta Marcos

Ginpangunahan ni First lady Liza Araneta Marcos ang ginpatigayon nga turnover ceremony sang MV Amazing Grace nga gindonar sang Philippine Red Cross sa Philippine Coast Guard (PCG) sa South Harbor, Manila kahapon Marso 18.

Kaupod sang first lady si PRC Chairman Richard Gordon kasubong man ang mga staff sang Philippine Red Cross.

Ang MV Amazing Grace ang makapasanyog pa sang ikasarang sang PCG sa paghatag sang medical kag humanitarian assistance sa mga remote coastal communities.

Nakabatun man ang PCG sang donasyon nga 100 nga Starlink kits gikan sa Space Exploration Technology Corporation, kag duha ka Barracuda RHIBs (Rigid-Hulled Inflatable Boats) nga gindonar naman sang GRAB Philippines.