Ginalauman sang Philippine Red Cross – Negros Occidental/Bacolod City chapter nga madamo sang madonar sang dugo sa Dugong Bombo: Blood letting activity sang Bombo Radyo Philippines ilabi na sa karun nga dako ang halit sang bagyo Tino.
Sa interview sang Bombo Radyo Bacolod kay Chapter President Rita Benita Mirasol, natigayon ang signing sang Memorandum of Agreement sa tunga sang Bombo Radyo Bacolod kag Philippine Red Cross – Negros Occidental/Bacolod City chapter kahapon kag naplastar na ang tuyo sang ini nga aktibidad.
Suno diri, ginalauman nga malab-ot ang target nga 400 blood donors ukon masobra pa agud dako ang makuha nga supply sang dugo.
Suno pa diri, ginakalipay sini nga naschedule sa Nobyembre 15 ang Blood letting activity bangod sa bulan sang Disyembre naganubo na ang ila supply kag pagkasunod nga tuig nagaka-ubos ang supply sang dugo.
Dugang pa sini, sa karun nga naglabay ang bagyo Tino kag bagyo Uwan may mga Blood letting activity sila nga wala natigayon kag kinahanglan na nila nga dugangan ang ila supply.
Pahayag ni Mirasol, paagi sa pagdonar sang dugo madamo sang masalbar nga kabuhi kaangay sa mga nagpaidalom sang operasyon, naaksidente ukon sa tion sang emerhensya.
Gina-ingganyo sini ang tanan nga makigbahin sa Dugong Bombo apang kun wala sang ikasarang nga magdonar sang dugo, mahimo sa gihapon nga magrecruit sa kun sin-o ang kwalipikado nga mangin blood donor.
