Philippine Red Cross, padayun ang paghatag sang bulig sa mga apektado sang paglupok sang Bulkan Kanlaon

Nagapadayon sa paghatag sang pagkaon kag bulig ang mga katapo sang Philippine Red Cross sa mga naapektuhan sang paglupok sang Bulkan Kanlaon.

Sa interview sang Bombo Radyo kay Shara Dela Cruz, Chapter Representative sa idalom sang The Welfare Service Iloilo, nagapadayon ang Red Cross sa pagpreparar sang mga kinahanglanon agud nga makahatag sang bulig sa mga nagakinahanglan kaangay sang biktima sa paglupok sang Bulkan Kanlaon.

Pila sa mga ginahatag sang mga ini ang hot meals para sa mga evacuees.

Nagahatag man ini sang psycho-social support para sa mga kabataan.

Nagdangat naman sila sa 20 ang nagpadulong sa Negros Occidental agud nga maghatag sang supporta kag bulig sa mga evacuees bangud sa nagluntad nga kalamidad.