Iga-induct sa Philippine Sportswriters Association’s Hall of Fame ang Weightlifter nga si Hidilyn Diaz.
Ini matapos nga nangin madinalag-on ang Olympic journey ni Diaz sang nakuha ang silver medal sa 2016 Rio Olympics kag nakuha ang una nga Olympic gold medal sa Tokyo Olympics, kasubong man nga nagdaog ini sa mga international tournaments.
Ang 33 anyos nga weightlifter gikan sa Zamboanga ang ginhingadlan bilang PSA Athlete of the Year sang tuig 2016, 2018, 2021, kag 2022.
Mangin kuopod ni Diaz sa PSA Hall of Fame sanday eight-division boxing champ Manny Pacquiao, world-class bowlers Paeng Nepomuceno kag Bong Coo, chess grandmaster Eugene Torre, pool icon Efren ‘Bata’ Reyes, the late FIDE president Florencio Campomanes, kag the late trackster Lydia De Vega.
Iban sa mga athletes kag sports personalities ang iga-recognize man sa PSA Awards Night kaangay sanday gymnast Carlos Yulo bilang Athlete of the Year, June Mar Fajardo bilang Mr. Basketball, Kevin Quiambao bilang Mr. Basketball – amateur, kag Jia De Guzman bilang Ms. Volleyball.
