Natalana nga magapatigayon ang Philippine Statistics Authority (PSA) sang isa ka survey sa tinutuyo nga makita ang demand sang kalamay sa pungsod agud mabuligan ang mga opisyales sa paghimo sang data-driven policies, kalakip ang importation.
Ginpahayag sang PSA nga gin-clear sini ang P2.5-million nga pagtuon nga may tig-ulo nga “Updating the Consumption Study of Sugar in the Philippines” sa una nga first half.
Ang survey ang iga-implementar sang Philippine Statistical Research and Training Institute, sa diin ang inisyatibo ang pangunahan sang Sugar Regulatory Administration.
Nahibaluan nga ang survey magasakop sang 2,760 ka mga households, 660 ka mga establishments, kag maga-generate sang profile sang kabug-usan nga konsumo sang nagkalainlain nga mga sweeteners sa domestic market.
