Philippine Team, sulod na sa 2026 World Lacrosse Women’s Championship

Isa naman ka maragtas ang nahimo sang Pilipinas matapos ini nga makasulod sa 2026 World Lacrosse Women’s Championship.

Sa labing una nga tion, na-qualify ang women’s national lacrosse team sang pungsod sa prestihiyoso nga contest matapos nga ginlutos sini ang Hong Kong, 14-2, kag ang China, 15-3, sa back-to-back games sa 2025 Asia-Pacific Women’s Lacrosse Championship.

Ginpatigayon ang nasambit nga hinampang sa Sunshine Coast, Queensland, Australia.

Dalayawon ang nangin performance sang Pilipinas bangud nga bisan nga wala pa ini sang world ranking, ginlutos sini ang rank 16 nga Hong Kong kag rank 19 nga China.

Makaupod nila sa World Lacrosse Women’s Championship sa masunod nga tuig ang mga pungsod Australia kag Chinese Taipei.