Ginapahalong sang Philippine Travel Agencies Association (PTAA) ang publiko batok sa fake bookings sa subong nga summer season.
Madamo sa mga pekeng bookings, suno sa grupo, ang narehistro sa nagkalain-lain nga social media sites.
Pahanumdom ni PTAA Inbound Committee Member Fe Abling Yu sa mga bakasyunista,masami nga siguruhon nga lehitimo ang mga nakaestorya kag may lehitimo nga contact number kag actual address.
Antes magpadala sang bayad para sa mga scheduled vacation, dapat nga iverifu anay ang mga ini kaangay sang pagpangit sang ila nga background, business information, kag iban pa.
Ginapahalong man ni Yu ang publiko sa mga nagapabayad sa e-wallet kag iban pa nga pamaagi sang pagbayad.
Ginhimo ang paandam sang PTAA kadungan sang ginalauman nga pagduging sang mga nagabakasyon subong nga summer season nga mahimo itake advantage sang fake booking sites kag mga scammer.
