Gin-abisohan ang Philippine tuna industry nga maghanda sa epekto sang climate change, labor concerns kag global sustainability, apisar nga nagsaka ang produksyon kag exportation sang tinalikdan nga tuig.
Suno kay Agriculture Secretary Francisco Tiu Laurel Jr. ang maayo nga perfomance sang sektor sang tuig 2024 indi dapat magtuga sa ila sang kumpyansa.
Suno diri, bitbit sang tuna ang simbolo sang Filipino nga may kalidad kag integridad.
Apang, suno diri kaangay sang baybayon nga ginasaligan sang tawo, ang industriya sa karun nagapangatubang sang problema sa climate change, labor issues kag pamahog sang illegal, unreported kag unregulated nga pagpangisda.
Pahayag sini, ang malain nga panahon naga-apekto sa pagpangisda sang mga mananagat, samtang mas nagstrikto na ang sustainability certifications nga ginarequire sang importing countries.
Dugang pa sini, maapektohan man ang market access kun indi maadress ang work conditions sa dagat.
