Gin-athag sang Philippine Institute of Volcanology and Seismology (PHIVOLCS) nga ang nagluntad nga linog sang tinalikdan nga Lunes sa Southern Luzon ang indi konektado sa linog nga nagluntad sa Eastern Visayas.
Ini bangud suno kay Engr. Marie Andeline Quintia, resident Volcanologist sang PHIVOLCS La Carlota monitoring station, may mga fault lines nga independent ukon indi konektado sa isa kag isa.
Ginpahayag sini nga may mga fault line nga nagtransect nagikan sa Luzon padulong sa Mindanao kaangay na lamang sang Philippine Trench apang suno sa iya magkatuhay ang local fault sa Zambales sang sa Philippine Trench sa Samar.
Dugang pa sini nga kun ang epicenter sang linog madalom, madamo nga mga lugar ang makabatyag sini apang mahinay lang ang mabatyagan nga tremor kag mas magamay ang halit nga dulot sini.
Samtang, suno sa iya, kun ang epicenter sang linog ang manabaw, magamay lang nga mga lugar ang makabatyag diri, apang mabaskog naman ang tremor kag dako ang kahalitan nga mahimo nga dulot sini.
Date of Airing: April 24, 2019
