Nagpanugyan ang resident volcanologist sang Philippine Institute of Volcanology and Seismology (PHIVOLCS) nga magpabilin sa sulod sang balay agud nga maprotektahan ang kaugalingon gikan sa baho sang asupre nga nagikan sa Bulkan Kanlaon.
Nahibaluan nga may 14 ka mga eskwelahan sa ciudad sang Bago nga nagkanselar sang face to face classes kahapon bangud sa sa baho sang asupre gikan sa Bulkan Kanlaon.
Sa interview sang Bombo Radyo Bacolod kay Mari-Andylene Quintia, nagapabilin sagihapon sa Alert Level 2 ang Bulkan Kanlaon bangud sa mataas nga aktibidad sang Bulkan.
Santo sa parameters sang Bulkan Kanlaon nga ginpagwa sang PHIVOLCS kahapon, ini ang nakarecord sang napulo ka volcanic earthquakes, Nagbuga sang 8,973 tons sang sulfur dioxide humalin sang Setyembre 24, ang plumes ang yara sa 100 meters nga yara sa nakatungdan-nabagatnan-nakatungdan kag nabagatnan-nakatungdan samtang nagapadayon man ang swelling sang Bulkan.
Ginadumilian man ang pagpalapit sa 4 KM Permanent Danger Zone.
Suno sa resident Volcanologists sang PHIVOLCS La Carlota nga ang madugay nga exposure sa sulfur dioxide ang makatrigger sang respiratory illness.
Gani nagapanugyan si Quintia nga mas maayo magpabilin sa sulod sang balay kag magsuksok sang facemasks.
