Phivolcs, wala sang may narecord nga destructive tsunami waves kasunod sang tsunami alert kahapon

Ginkanselar na sang state seismologists sang Miyerkules sang hapon ang tsunami alert nga gin-issue bangud sa pagtay-og sang magnitude 8.8 nga linog sa eastern coast sang Russia.

Suno sa Philippine Institute of Volcanology and Seismology, nadetect sang estasyon sini nga nagapangatubang sa Philippine Sea nga wala sang significant sea level disturbances ukon destructive tsunami waves humalin sang nagtay-og ang linog sa 7:25 sang aga.

Bangud diri, ang maskin ano nga epekto bangud sa minor sea level disturbances ang nakalabay na kag bangud diri, ginkanselar na sang DOST-PHIVOLCS ang mga rekomendasyon nga gin-issue para sa sini nga event.