Handa na ang Provincial Health Office sang Negros Occidental sa launching sang COVID vaccination sang mga kabataan nga nagaedad lima tubtub onse anyos sa Lunes.
Suno kay Provincial Health Officer, patigayunon ang launching sa Teresita Lopez Jalandoni Provincial Hospital sa ciudad sang Silay.
Bangud sa Silay ang launching suno kay Tumimbang, magahalin lang sa malapit nga lugar ang mga kabataan ilabi na sa third district.
Sa tion nga magfull-blown na gid ang vaccination suno kay Tumimbang, iga-involve na diri ang tanan nga mga local government units kag mga ospital, basta masunod lang ang guidelines sa inoculation nga mga kabataan nga may comorbidities ang una nga bakunahan.
Sa karon, 57 porsyento na sang populasyon sang Negros Occidental ang fully vaccinated kag 70 porsyento na ang nakabaton sang first dose.
Nagalaom naman si Tumimbang nga magataas pa ang turnout kadungan sang simultaneous national vaccination days.
Nagdeploy naman ang provincial government sang vaccinators sa ciudad sang Bago, Kabankalan kag San Carlos sa sulod sang duha ka adlaw.
Suno sa provincial health officer, available sa karon ang Pfizer, Moderna, AstraZeneca kag Sinovac vaccines gani may mapilian ang mga pumuluyo.
