Ginkalipay sang secretary sang Department of Agrarian Reforms ang pagpanghatag sang Certificates of Condonation and Release of Mortgage ukon CoCroms sa mga beneficiaries sa banwa sang Pontevedra, Negros Occidental.
Sa interview sang Bombo Radyo Bacolod kay DAR Secretary Conrado M. Estrella III, maayo ang impact sang paghatag sang CoCroms sa mga beneficiaries bangud indi lamang ini para sa mga mangunguma kundi para sa kabug-usan.
Suno kay Estrella, bangud sa certificate sa nabaton ang mga mangunguma ang may extra na income bangud wala na sang pagabayaran nga amortization sa duta.
Suno diri mas magasanyog pa ang pagpanguma kag may dugang na collection ang Local Government Unit sa Real Estate Tax sa Local Government Unit.
Dugang pa sini kun dako ang kita sang LGU mas madamo ang gastuhon sa paghatag sa basic services.
