Nagpanawagan ang Mayors for Good Governance kay President Ferdinand “Bongbong” Marcos Jr. nga pangalanan na ang mga corrupt nga politiko kag contractors sa likod sang mga palpak nga proyekto sa infrastructure ilabi na sa flood control.
Ang grupo, nga ginalakipan nanday Mayor Benjamin Magalong (Baguio), Mayor Vico Sotto (Pasig), Mayor Joy Belmonte (Quezon City), kag Mayor Sitti Hataman (Isabela City) ang nagpahayag nga madugay na nga may anomaliya sa nasambit nga proyekto kag nagakadapat lamang nga manabat ang mga imbolbado.
Ginhingyo sang mga ini sa Department of Public Works and Highways (DPWH) kag iban pa nga ahensya nga ipagwa ang mga dokumento kag pangalan sang mga politiko kag contractors nga nagpulos sa masobra P100 billion nga pondo humalin 2022 tubtob 2025.
