Pila ka balay sa banwa sang Murcia, naguba matapos gin-igo sang buhawi kahapon

Nagkalaguba kag napalid ang mga atop sang mga balay kag establishemento sa nagluntad nga buhawi sa Brgy Blumentritt, banwa sang Murcia, Negros Occidental, kapin alas-2:00 sang hapon kahapon.

Sa interview sang Bombo Radyo kay Joey, yara ini sa sulod sang iya store kaupod ang duha ka iban pa, sang nagluntad ang buhawi.

Suno diri, makusog ang buhawi nga nagtinir sang kapin sa lima ka minutos kun sa diin naghapa sila agud malikawan ang mga gamit nga naglinupad.

Suno pa diri, mainit ang tiyempo sang aga kag ila ginkakibot nga may buhawi nga nagluntad sang hapon kag kasunod sini amo na ang pagtupa sang ulan.