Pila sa mga local government units ang nag-anunsyar nga wala sang face to face classes subong nga adlaw, Lunes, Setyembre 2, bangud sa pag-ulan dala sang Bagyong Enteng kag Hanging Habagat.
Ini ang ginlakipan sang ciudad sang Bacolod nga wala sang klase ang Elementary kag Highschool sa pribado kag pampubliko nga eskwelahan; ciudad sang San Carlos, Victorias Silay kag Talisay apang sa Pre-School tubtob Senior High School lamang; banwa sang Salvador Benedicto; Pulupandan; EB Magalona, Isabela, Murcia kag Hinoba-an.
Samtang, ginpaidalom na sa blue alert ang Bacolod Disaster Risk Reduction and Management Council (DRRMO) bangud sang tropical depression Enteng.
Bangud sini, gin-activate na ang Emergency Operation Center (EOC) kag Disaster Online Reporting and Monitoring System (DORMS) para sa TD Enteng kag ginpabaskog pa sang Hanging Habagat.
Wala naman sang kanselasyon sa byahe sang barko, magluwas na lamang sa mga padulong sa lugar nga napaidalum sa Wind Signal.
